Գրքի յուրահատկությունը նրանում է, որ հեղինակները մեր քաղաքի 102 նվիրյալ բնակիչներն են, ովքեր, Դիլիջանի համայնքային կենտրոնի հետ համատեղ, չորս տարի շարունակ հավաքագրել և ուսումնասիրել են հարազատ քաղաքի պատմական ընթացքը ներկայացնող նյութեր, կիսվել անձնական արխիվներով և համեմատել հավաքագրված նյութերը քաղաքային արխիվներում։
Գրքի հիմնական նպատակը քաղաքի պատմական և մշակութային ժառանգության պահպանումն է, ինչպես նաև Դիլիջանի, որպես զբոսաշրջային կենտրոնի, գրավչության բարձրացումը։


Հաստ կազմով և պատյանով այս նվեր-գիրքը պարունակում է 62 բացառիկ նյութ և ավելի քան 100 լուսանկար քաղաքացիների ընտանեկան արխիվներից,որոնց շարքը բացահայտում է անցյալ դարերի քաղաքային մշակույթը, ճարտարապետությունը և տնտեսությունը: